بالمرصاد نيوز أضواء على أهم الأنباء
مقالات مشابهة
بقلم عزالدين الدخيلي
مكتب تونس – موقع جريدة بالمرصاد نيوز
بقلم : عزالدين الدخيلي … يحكيوا على ثلاثة فكارين إخوة قرروا باش يهاجروا لبلاد أخرى عن طريق البر … كل واحد حط “كركاستو” (carcasse) فوڨ ظهرو وقصدوا ربي شدّوا الثنية… بعد عام ونص مشي وكيف ڤريب يوصلوا للحدود ، شراو دبوزة ڤازوز باش يبلّوا بيها ريڤهم بعد هاك التعب متاع المشي وفي نفس الوقت حبّوا يتفڤدوا الباسبورات متاعهم … ياخي تفاجؤوا أنهم نسوهم في الدار قبل ما يخرجوا … الحاصيلو فزدت الڤعدة و مرارت جغمة الڤازوز و ڤعدوا يخمموا ٱش باش يعملوا من غير أوراق خصوصاً وأن الرجوع يتطلب عام ونص ٱخر !!! بعد تفكير و نقاش ، تفاهموا باش يعملوا بيناتهم قرعة ويرجع واحد فقط منهم يجيب الباسبورات و يجي … إللي طاحت عليه القرعة سلّم على خواتو و ودعهم و ڤاللهم تمشوش تشربوا الڤازوزة قبل ما نجي ؟ ڤالولوا خسارتك !!! ما تڤول هالكلام راك خونا !!! أيّا ودّعهم و قصد ربي …. بعد حوالي عام وشهرين ، تلفّتوا الزّوز فكارين لبعضهم وقالوا علاش ما نشربوش الڤازوزة وكيف يجي خونا نشرولوا ڤازوزة أخرى …!؟؟ هوما ما كملوش الحديث ، و خوهم خرجلهم من وراء حجرة و ڤاللهمم والله زايد عرفتكم باش تعملوها العملة و هاضاكة علاش تخبّيت و ڤعدت نعس عليكم !!! وكيما يڤول المثل إللي في راس الذّيب في راس السلوڤي … غير المرّة هاذي صارت مع 3 فكارين…
