بالمرصاد نيوز أضواء على أهم الأنباء
مقالات مشابهة
مكتب تونس – موقع جريدة بالمرصاد نيوز
بقلم : عزالدين الدخيلي… سنحاول باللي ننجم وباللي نقدر عليه وبالفلاقي التونسي الفصيح نوضحلكم إللي فهمتو من موضوع المرسوم عدد 49 لسنة 2022 المتعلق بضبط أحكام استثنائية وظرفية لفائدة أصحاب الجرايات منخرطي ال CNRPS. عموميات: – يتمتع المتقاعد بالزيادة في الجراية متاعو آليا طبقا للفصل 37 من القانون عدد 12 لسنة 1985 معناها كيف يزيدوا في شهريات المباشرين ، المتقاعد يتمتع بنفس الزيادة “بالپورسنطاج” (pourcentage % ) إللي خرج بيه … – الزيادة هاذي فيها مساهمات يدفعها المشغل (الإدارة كي تكون تخدم مباشر ) ومساهمات يدفعها المتقاعد (صندوق التقاعد CNRPS ) – المساهمات المحمولة على المشغل قدرها 14.5% و مدتها 36 شهر فقط (3 سنوات) ابتداء من تاريخ التمتع بالزيادة. – المساهمات المحمولة على المتقاعد قدرها 9،2% (ما عندهاش سقف زمني محدد ) – بعد 36 شهر (3سنوات) وبعد انتهاء فترة مساهمة المشغل ، يصبح المتقاعد هو المتكفل بالمساهمات الكل أي : 9.2 % + 14.5% المجموع= 23.7 % . مثلا : الشخص اللي تمتع بزيادة في الجراية قدرها 100 دينار مساهمته تكون 9.200 مليم وفي حين مساهمة المشغل تقدر بـ 14.500 مليم وبعد انقضاء الـ36 شهرا (3سنوات) تصبح المساهمات الكل محمولة على المنخرط وحده ، معناها كان يساهم ب 9.200 مليم يصبح يساهم بـ23.700 مليم”. و هاذاكة علاش الجراية متاعو تنقص . إللي صار في جانفي 2022 : – نقصت جراية متقاعدي CNRPS بسبب الإقتطاع إللي صار .
– إعلان الصندوق الوطني للتقاعد والحيطة الاجتماعية، أن صرف الجرايات بعنوان شهر جانفي 2022 يتزامن مع انقضاء مدة 36 شهر (3سنوات) التي يتحمل فيها المشغل المساهمات المحمولة على عاتقه بعنوان التعديل الآلي للجرايات الخاص بالزيادة متاع 2019، وعليه وطبقا للتشريع الجاري به العمل (الفصل 37) ، يتحمل متقاعدو الوظيفة العمومية نسبة مساهمات الكل وهي 23.7% وهذاكة علاش صار جدل كبير واحتجاج في صفوف المتقاعدين على خاطر جراياتهم نقصت خلال شهر جانفي 2022 بسبب هذا الإقتطاع. – 27 جانفي 2022، وبقرار من رئيس الجمهورية ، تم استثنائيًا تعليق هذا الاقتطاع من جرايات متقاعدي الصندوق الوطني للتقاعد إللي كان باش يتواصل إلى الأبد .
– في نظر القانون ، التعليق لا يعني إلغاء الإقتطاع وبالتالي المتقاعد يبقى موسال لفائدة صندوق التعاقد حتى تتسوى الوضعية التي سميت في ذلك الوقت إستثنائية مؤقتة. – السؤال : ما دام قرار تعليق الإقتطاع هو قرار مؤقت واستثنائي ، شكون باش يتكفل بالمساهمة متاع 14.5 % إللي يلزمها تدخل لخزينة صندوق التقاعد ؟ – بالطبيعة تتكفل بيه الدولة (وزارة المالية) كيفاش باش تتسوى الوضعية هاذي ، معناها بأي صيغة قانونية ؟ – ساهل ياسر ،باعتبار أن الدولة قاعدة حاليا تتسير بمراسيم رئاسية على خاطر ما زال ما ثماش مجلس تشريعي (مجلس نواب) تم إصدار المرسوم عدد 49 لسنة 2022 مؤرخ في 16 أوت 2022 إللي وضح المسألة و إللي تتكفل بمقتضاه الدولة (وزارة المالية) باش تصب الفلوس متاع صندوق التقاعد إللي كان باش يتحملها المتقاعد ويقصوهالو من جرايتو بعنوان المساهمة (14.5%) إللي تحدثنا عليها وتم تعليقها ابتداء من فيفري 2022.
