الرئيسية / مجتمع / بشرى للأنتريتية ….

بشرى للأنتريتية ….

بقلم عز الدين الدخيلي

 

مكتب تونس – موقع جريدة بالمرصاد نيوز.

متابعة عزالدين الدخيلي.

بقلم : عزالدين الدخيلي .

 البارح أنا في الدار الناقوس ضرب ، خرجت نلقاه البسطاجي ، قالي انت فلان ؟ قتلو إيه نعم مرحبا ، قالي عندك جواب (recommandé) ، صححلي عليه ، خذيتو ودخلت وانا نقلب فيه باش نعرف منين جاني خصوصا وأنه مللي خرجت في لنتريت ،نادرا ما تجيني جوابات هامة كيما هكا ، ما عدى إللي تبعثمهلي الستاغ و الصوناد والبانكة هاك إللي فيهم دفعان فلوس للدولة (فاتورات) أو باش يعلموك في قداش مازلت موسال ليها باش القرض يخلص ، الحاصيلو حليت الجواب وبديت نقرا في كلام من وراء العقل لما فيه من شكر و مجاملة وتعبير على الحب والإحترام لشخصي بعبارات حشمتني على روحي … وهذا نص الرسالة: إلى السيد المحترم الفاضل المتقاعد تحية وبعد ، أنه لمن دواعي سرورنا وتقديرنا واعترافنا لكم بالجميل على كل ما بذلتموه من جهد بالفكر والساعد لعقود طويلة من زمن حياتكم خدمة لهذا الوطن وإخلاصا له ولرايته المقدسة حتى تظل مرفرفة عالية في السماء وحتى تبقى هذه أرضنا الطيبة خصبة معطاءً يحلو لكل الأجيال العيش فوقها بكل أمن وأمان . وإننا إذ نعبر لكم في المقابل عن أسفنا لعدم نيلكم ما تستحق وما يكفي من حجم جراية ومكافآت وامتيازات مالية و معنوية تتناسب مع سنوات التعب والعطاء الغزير ، فإننا قررنا إعلامكم بواسطة هذا المكتوب تمكينكم مما يلي بمفعول رجعي ابتداء من تاريخ إحالتكم على شرف المهنة : – الترفيع في قيمة جرايتك بنسبة 30 % مع زيادة آلية بنسبة 2% سنويا . – تمكينك من دعم شهري للايجار السكني تمكينك من سكن عن طريق الضمان الاجتماعي و بسعر رمزي تخفيض سعر استهلاكك للكهرباء والماء والهاتف بنسبة 50% – تمتيعك بمجانية استعمال جميع وسائل النقل العمومي تمتيعك بمجانية الضمان الصحي تمتيعك بمجانية خدمة طبيب الاسنان تمتيعك بمجانية إجراء فحص طبي شامل كل 6 أشهر (إجباري) – اجبارية مراجعة طبيب الاسنان كل سنه (مجاني) وإن لم تفعل تأتيك غرامه ماليه… – مجانية التمتع بخدمة المحطات الإستشفائية والعلاج الطبيعي ملاحظة : لتفعيل هذه القرارات، الرجاء مدنا بالوثائق التالية فورا نسخة من …………. وفجأة فقت من النوم مفجوع نمص في ريقي على صوت المرا تقلي ، يا راجل قوم راهي العشرة توة ، البسطاجي هاو ما زال كي جاب ورقة الماء والضوء ، برا خلصهم ، وتعدى أعطي الكراء لمولى الدار ، و في ثنيتك وأنت مروح، جيبلنا ستيكة ماء وشوف جابوش سكر و سميد خوذلنا حتى كيلو كيلوالحاصيلوعاشت تونس ..

 

عن badreddine

شاهد أيضاً

وفاة المغفور له بإذن الله  والد اللاعب عبد الرؤف كرومة بنوبة قلبية و هو يتابع ابنه في المباراة على مدرجات القاعة المغطاة بسيدي بوسعيد

      واقعة أليمة جدت ليلة أمس الأربعاء 27 مارس 2024 بالقاعة المغطاة بسيدي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *